Петар Печков

Објавено: понеделник, 27 април 2015 779 321

Со победата над екипата на Радовиш во 19-тото коло од Втората лига кошаркарите на Борец Баскет се пред влез  во Првата лига, најсилното друштво.  Велешани победија со 94:78. ова беше дерби на второ и трето пласираните екипи од оваа конкуренција. По овој натпревара Борец  баскет има три поени предност над екипите на Радовиш и Бест. Следното коло велешани се слободни, потоа гостуваат на Шкупи а во последното дома играат пртови последно пласираниот Дино Баскет. Со победа токму на овој натпревар и очекувани резултати од средбите  на двата конкуренти, за очекување е дека Борец Баскет ќе биде втор на крајот и од есен да игра во најквалитетното друштво.  

 Ракометарите на ГРК Борец победија во Битола против екипата на Феникс АМС со убедливи 40:24, полувреме 18:11, во натпревар од Првата  лига.  Така велешани се зацврстија на втората позиција и чекорат кон баражот за влез во Супер Лига. Следен противник на тимот од Велес е РК Вардар Јуниор, лидер во оваа конкуренција. најважниот  натпревар ќе се одигра на 3 Мај недела во спортската сала "Гемиџии".

 Во Првата лига футсал, екипата на Велес го победи тимот на Јувентус со 11:10.По 24 кола велешани побегана од  претпоследната позиција и се качија на 8-то место со 23 бодови. Во следното коло. Во следното претпоследно коло Велес гостува на екипата на Илирет.

 Во првата лига фудбал, женската екипа на Борец победи со убедливи 6:0 против претпоследниот тим на битолски Топ Гол.   По ова 16-то коло Борец е 6-ти со 19 бодови,   а во следното коло велешанки гостуваат на соседот на табелата 7-иот Младост од  Оризари Кочани.