Петар Печков

Објавено: понеделник, 05 јуни 2023 224 33

Добитник на Почесното Рациново признание, кое се доделува на Рациновите Средби,  за 2023 година е Бугарскиот автор  Пламен Тотев (59 год), литературен критичар и истражувач, издавач и автор на текстови на популарни песни. 

За Издавачките куќи „Изида“ и „Персеј“ од Софија, досега  има издадено 55 книги од 34 автори, преведени од македонски на бугарски јазик.  Автор е на книгите „За место на врвот“ (1994), „Бугарскиот епски сон“ (1995) и „Животот на класиците“ (2014).

„Ова награда Почесното Рациново признание се доделува за промоција на македонскиот јазик и култура надвор од границите на државата. Тотев за Македонија е значаен поради неговото издаваштво и преведувањето, на бројни македонски автори. Исклучително значаен автор кој работи на промоција на македонската култура и јазик во Република Бугарија, кој претставува мост на зближување“ - кажа Ненад Витанов, член на организациониот одбор.   

60 Рацинови средби ќе се одржат во периодот  од седум дена од 9 до 15 јуни, под мотото „Рацин без компромис“, со настани кои ќе се организираат и на отворено и затворено. Ги организира Општина Велес заедно со Здружението на граѓани „Плус публика“ кое има делегирана надлежност. Годинава се одбележуваат уште два јубилеи 115 години од раѓањето на Коста Солев и 80 години од неговата смрт.

„Годинава се обединија повеќе здруженија и институции за да  ги одбележиме трите јубилеи за Рацин. Општина Велес креираше богата и обемна програма, која достојно  ќе ги одбележи Рациновите средби“ - рече Александра Андреева од Општина Велес.  

Меѓу содржината на годинашнава манифестација се Беседата за Рацин која годинава  ќе ја има  на проф. д-р. Васил Тоциновски а ќе се случи на 10 јуни во Спомен Костурницата.   Тогаш ќе биде соопштен добитникот на Рацинови признание со 2023 година. На конкурсот биле  пристигнати 14 дела а за наградат Рациново признание ќе решава  жирито во состав  Јасминка  Делова Силјановска - претседател,   Снежана Петрова Џамбазова  и Маја Апостоловска.  

На 12 јуни  во  12 ч. е научниот симпозиум на тема Рацин, организиран  од Институтот за македонски јазик. На 15 јуни е поетски митинг со автори од Балканот, кога ќе се додели Почесното Рациново признание. 

На 9 јуни од 8 до 22 часот, ќе биде отворена со бесплатен влез, за посетители куќата на Кочо Солев Рацин, каде ќе има кустос кој ќе ги запознава гостите со предметите поставени во неа.

Манифестацијата е финансиски поддржана од Општина Велес со 600 илјади денари и 200 илјади денари од Министерството за култура.

Градоначалникот Колев ги покани велешани, како наследници на Рацин, да ги посетата содржините кои нудат богата содржина.