Петар Печков

Објавено: четврток, 20 ноември 2025 1341 6

Нивото на реката Вардар во центарот на Велес, утрово стигна до 184 цм. што е 74 см повеќе од вчерашните 110цм. Ова се податоци до УХМР за утрово во 7,30ч. Измерени се на мерното место Стар мост. Просекот за месец ноември е 73цм. 

Од хидрологија најавуваат дека нивото ќе се зголемува и во текот на утрешниот ден. Ова се темели на нивото на реката Вардар во Скопје и Тетово, каде утрово се измени повисоки вредности од вчера. Зголемено е нивото и на реката Треска кај Македонски Брод од 34 вчера на 103 утрово а на Пчиња кај Катланово од 77 цм на  140 цм.
 
И нивото на реката Бабуна на мерното место Богомила  е во пораст.  Утрово била 50 цм. а вчера 38 цм. Просекот за овој месец ноември е 14 цм.