Петар Печков

Објавено: петок, 13 април 2018 543 270

Според измерените вредности нивото на реката Вардар низ Велес е со висок водостој. И тоа континуирано во текот на изминатите 13 дена од овој месец.

Според измерените вредности на Управата за Хидрометеорологија,  денес во 7,30 нивото било 150 цм а просекот за април месец е 108 цм. Така е сите денови од месецов. Некои денови измерени се и повисоки вредности, како што е  на 8-ми април од 170 цм.   

Според метеоролозите тоа се должи на високите температури и топењето на снегот. Ако се суди според прогнозите за наредната седмица кога не очекуваат дождови, извесно е дека високото ниво на реката Вардар низ Велес ќе продолжи и натаму.