Петар Печков

Објавено: понеделник, 16 февруари 2026 547 7

Поројниот дожд вчера, недела во северозападните краишта на Македонија, придонесе нивото на реката Вардар низ Велес да биде високо. Забележано е заезерување кај Мало мовче. Утрово во 7,30 хидрометорологија измерила безмалку два метри 198 цм на мерното место кај Стар мост.

Највисоко ниво годинава, но и есенските месеци, имало на 12 февруари,  четврток, кога беа измерени 223 цм.  а следниот ден 217 цм. Просекот за месец февруари во Велес е 89 цм.

Нивото на Вардар во Велес се очекува да порасне, оти нивото северно од градот на реката е високо, а и Треска, притока на Вардар има екстремно високо ниво. Исто така и реката Пчиња е со висок водостој. 

И реката Бабуна низ Богомила е се висок водостој. Во неделата била 75цм а денес утрово 48 цм. со тоа што просекот за февруари е 16 цм.