Петар Печков

Објавено: сабота, 22 јули 2023 444 31

Велес ова лето живее под вршник,се зголемува температурата секојдневно. Денес, сабота во 14ч. беа измерени највисоки досега 41,2 степени Целзиусови под сенка. Ова е официјален податок според УХМР.

Податокот е  од мерната станица која се наоѓа во близина на Општата болница, кај хелиодромот. Се мери според стандардите на Светската  метеоролошка организација, на два метри над земја, на тревна површина и апаратура заштитена во куќарка.

Најтопло во Македонија беше во Демир Капија во 15ч. со 42 степени,  после Велес е  Валандово со 41,1 во 14ч , па Кавадарци со 40,8 во 14 и 15 ч па Скопје со 40,3 во 15ч.

Метеоролозите најавуваат дека највисока температура годинава се очекува вторник и среда попладне.