Петар Печков

Објавено: петок, 19 март 2021 1252 116

Велес повторно при врвот според бројот на  позитивни во земјава, тој е четврти со 48 нови случаи додека оздравени се  29 пациенти. Ова се бројките кои ги соопштија од Институтот за јавно здравје.  Активни се  427 а досега се заразени 3.936 лица.

Починати се двајца  пациенти од Велес,  маж на 82 годишна возраст, позитивен, лекуван еден ден на Инфективно одделение  и жена на 68  годишна возраст, лекувана три дена на истиот оддел - соопшти д-р Елеонора Јованова, портпарол на Општа Болница Велес.   Со ова бројката на починати од последиците на ковид заразата во велешко достигна 121 пациент.

Вкупно  хоспитализирани во трите одделенија во велешка Болница се  69, од кои 53 се потврдени позитивни, седум сомнителни  и девет  пациенти со негативен брис но задржани на болничко лекување. На кислородна поддршка се 28 пациенти. На Инфективно  одделение се  41 пациент, на Интерно девет и во  Модуларна болница 19.