Петар Печков
Објавено: сабота, 09 мај 2020
Министерството за здравство информираше дека во текот на изминатите 24 часа е регистриран еден смртен случај на заразен со корона вирус, во Македонија. Тоа е велешанец за кој претходно на прес конференција информираше и градоначалникот Коцевски, дека пациентот подолго време е на клиника во Скопје, на респираторна машина.
На Клиниката за инфективни болести и фебрилни состојби во Скопје почина пациент од Велес на 58 годишна возраст, хоспитализиран на клиниката пред една недела со тешка форма на болеста, приклучен на механичка вентилација од 6-ти мај - стои во соопштението на Министерството.
Ова е петти смртен случај на велешанец позитивен на ковид-19, откако започна пандемијата со оваа зараза.
| Tweet |
