Петар Печков

Објавено: недела, 12 ноември 2023 2433 30

Саботата кон неделата по полноќ, полицијата уапсила млад велешанец во месноста Шорка, кај кого била пронајден марихуана а тој се обидел да бега па полицаецот пукал во воздух. Деталите од информацијата на МВР.

„На 12 ноември  околу 00.15 часот во Велес од полициски службеници од СВР Велес е лишен од слобода М.М.(29 год) од Велес затоа што кај него била пронајдена и одземена марихуана. Околу 00.15 часот на ул. „Вардарска“ во Велес полициски службеници од СВР Велес запреле патничко возило „пасат“ со велешки регистарски ознаки, а М.М. , кој седел на совозачкото место, се обидел да избега, но бил спречен од полициски службеници, при што бил испукан и еден предупредувачки куршум во воздух“ - соопштија од МВР.

Во  Полициска Станица Велес извршен бил  службен разговор и со А.Н. (36 год) од Велес, кој го управувал возилото. По целосно документирање на случајот ќе биде поднесен соодветен поднесок.