Петар Печков

Објавено: среда, 09 декември 2015 1292 300

Во текот на вчерашниот ден, вторник, во куќа на сограѓанин биле откриени седум илегални мигранти.  Тие биле сокриени во куќа, која е покрај железничката пруга  а биле пронајдени од стран ана полицајците   во 8.30 часот.

Лицата биле илегални мигранти државјани на Пакистан Р.А.(36), Н.Р.А.(33), А.Ј.(33), А.Т.(35), К.А.(27), Н.Р.(22) и Н.М.(23). Тие во Македонија влегле пред четири дена илегално  во близина на ГП Богородица и се движеле пеш во правец кон Србија, а на 8-ми  декември  се сретнале со Р.С.(18)  со кого се договориле за износ од 190 евра да им помогне да најдат такси за да стигнат на македонско-српската граница.

Откако ги земал парите Р.С. ги сместил мигрантите во една од собите на куќата каде што живееле неговите родители и малолетната сестра. Во 11.30 часот  Р.С. бил пронајден и заедно со мигрантите бил приведен во ПС од ОН Велес. Против него ќе биде поднесена кривична пријава поради основи на сомнение за сторено кривично дело „криумчарење на мигранти“.

Истиот е задржан во ПС за ОН Велес, за понатамошна постапка и во текот на денот ќе биде спроведен до ОЈО за гонење на сторители од областа на организираниот криминал и корупција и основниот суд Скопје-1 во Скопје, а мигрантите се сместени во Прифатниот центар за странци.