Петар Печков

Објавено: понеделник, 29 ноември 2021 1633 122

Во четвртокот извршен бил  претрес во куќа во Велес,во чиј двор била пронајдена марихуана. За ова информираа од СВР Велес, при што дополнија дека било уапсено лицето А.Ј. на 20 годишна возраст.

По ова Основното Јавно Обвинителство Велес донело  наредба за спроведување истрага против велешанецот А.Ј. на 20 годишна возраст,  за кривично дело – Неовластено производство и пуштање во промет наркотични дроги.

„Осомничениот, во дворот од куќата на неговата баба каде тој повремено престојувал, неовластено заради продажба држел 420,6 грама наркотична дрога – марихуана. Дрогата, спакувана во едно најлонско кесе, ја чувал во метално буре во дворот, а полициски службеници од СВР Велес ја пронашле при претрес“ -соопштија од ОЈО Велес.

Со оглед на тоа што осомничениот веќе бил осудуван за истото кривично дело и дека во текот на истражната постапка треба да се сослушаат сведоци кои се во роднинска врска со него, Основното јавно обвинителство Велес оценило дека е оправдан стравот осомничениот да го повтори кривичното дело и да влијае врз сведоците.

Од тие причини јавниот обвинител до судијата на претходна постапка на Основен суд Велес доставил предлог за определување мерка притвор против осомничениот и истата му е изречена за време од 30 дена.