Петар Печков

Објавено: сабота, 08 декември 2018 1224 225

Претпладнево во Велес се одржа акција за пошумување, која се одвиваше на локалитетот ,,Вршник,,.  Се засадуваше багрем на три хектари а учествуваа околу 200 лица, најмногу вработени во општински институции на локалната власт. Градоначалникот Коцевски потенцираше дека  ова  по 10 години е прва самостојна акција на Општина Велес, надвор од тие ,,,Ден на дрвото,,  . 

 Правиме корисна работа граѓанска акција за пошумување.  Ќе организираме по две акции годишни пролетни и есенски, имаме огромни голи површини во околината на градот за да ја подобриме животната средина.  Сакаме тоа што го засадуваме, да не е на големи територии туку на помали површини  и да создаваме зелен појас за заштита од згадувањето - кажа Коцевски.

Тој упати благодарност до сите учесници кои засадуваа- припадниците на АРМ и  МВР, граѓански здруженија и ЗГ ,,Акцијаш,, Засадувањето  се изврши  во околината на населбите Тунел и Превалец каде поради работата на каменоломот има сериозно загадување на воздухот. 

Засадени беа околу  6 илјади садници со багреми обезбедени од општински  буџет и 2 илјади садници од ШС Бабуна -јавор и јасен. Од неделава, поради  претходно долготрајната суша, Шумското стопанство  ,,Бабуна,, од Велес започна голема акција на засадување на опожарените површини во близина на автопатот Велес- Скопје. Се засадуваат 30 хектари со багрем, јавор и јасен. Ова пошумување треба да заврши до крајот на годинава.