Петар Печков
Објавено: петок, 25 јули 2014
Слаб интерес на велешани запатување со воз до Солун, додека кон Белград и Ниш има бројни патници. Ова се податоците на надлежните од железничката станица во Велес. По воведувањето на железничката линија од Солун кон Белград и обратно, од 8-ти мај годинава, Велес повторно беше меѓународно поврзан.
За овие два и пол месеци имаме продадено околу стотина билети до Солун. До Белград бројката е многу поголема, секојдневно до таму, Ниш или помалите места има по десетина патника – велат од железничката станица во Велес.
Цената на билетот до Солун е 610 а повратна изнесува 1.200 денари. До Белград пак во еден правец е 1,5 илјади а повратен билет е 2,2 илјади денари. До Ниш е 720 а во двата правци е 1,3 илјади денари.
Возот кон Солун тргнува во 6 часот наутро а пристигнува во Солун во 11,10 часот. Од Солун тргнува попладне во 15.51 а во Велес е во 19.00 додека во Белград пристигнува во 5,33 наутро. Од Белград за Велес овој експресен воз тргнува попладне во 18,45.
| Tweet |
