Петар Печков

Објавено: среда, 28 ноември 2012 1395 333

Министерство за здравство на ЈЗУ Здравствен дом Велес му донираше три специјални возила наменети за Итната помош.  Возилата марка ,,рено,, се опремени со комплетна опрема за давање на итна медицинска  помош на пациентите, со дефебрилатор, кислород боца, екг апарат, и се што е неопходно во вакви случаи.

Со добивањето на овие три возила значително се подобри  возниот парк на оваа служба која дава помош на територијата на три општини Велес, Градско и Чашка кои зафаќаат голема површина. Со овие возила кои имаат целосна опрема, можеме на лице место да им помогнеме на пациентите.  Тие ќе овозможат давање брза, итна и неопходна помош – изјави д-р Тања Самаракова директор на ЈЗУ Здравствен дом Велес.

Претходно со сопствени средства тие пролетва  набавија санитетско возило ,,дачија,, додека останатите десетина коли беа застарени некои и со 15 годишен стаж. Истовремено во Итната помош во Велес примени се и тројца доктори со што се реши проблемот со недостаток на медицински стручен персонал. Истовремено вакви возила Министерството за здравство донираше и во уште неколку македонски града.