Петар Печков

Објавено: сабота, 11 јуни 2016 671 315

Во официјална конкуренција за наградите од театарскиот  фестивал  ,,Војдан  Чернодрински,, кој започна синоќа a сед одржува во Прилеп се наоѓа и претставата ,,Старицата од Калкута,, продукција на велешкиот театар ,,Јордан Хаџи Константинов Џинот,,.  

Работена по текст на израелскиот автор Ханук Левин а во режија на  Софија Ристевска Петрушева.  Таа ќе биде изведена во официјалната програма вторник од 22 часот. Претставата е работена по раскази на Левин еден од  најпознатите, најизведувани автори од  Израел, и  е еден вид на  кабаре.

Во  ,,Старицата од Калкута,, играат  Васил Зафирчев,  Кети Борисовска, Слободанка Чичевска, Фаик Мефаилоски, Славица Манаскова, Жарко Спасовски, Талија Настова. Сценографијата е  на Филип Коруновски, костимографија Андреј Ѓорѓиевски, кореографија и сценски движења  Кире Миладиноски, музички соработник  Сашко Костов,  автор на видео Данчо Стефков. Во конкуренција за награди се единаесет претстави.  

 В недела вечер од 20ч.  во придружната програма велешкиот театар ќе ја изведе ,,Класен Непријател,,  од   Најџел Вилијамс а во режија на Теа Беговска, претстава која  ја третира класната разлика меѓу луѓето, не само по социјала, туку и во животна и човечка смисла.

Во претставата настапуваат Жарко Спасовски, Фаик Мефаилоски, Талија Настова, Марија Стефановска, Александар Велјановски, Самоил Стојановски, Драгана Босниќ, Славица Манаскова, Кирил Гравчев, Слободанка Чичевска, Алексадар Георгиев, Весна Бобевска.