Петар Печков

Објавено: вторник, 31 март 2020 2906 146

На ден 30-ти март  од страна на Основниот суд Велес донесени се пресуди за издавање на казнен налог К.бр.86/2020, К.бр.87/2020 и К.бр.88/2020, со кои пресуди огласени се за виновни четири лица за кривично дело „Непостапување според здравствените прописи за време на епидемија“ од чл.206 ст.1 од Кривичниот законик и изречени им се парични казни од по 40 дневни глоби од по 20 Евра или по 800 евра за секој од сторителите. 

Сторителите се огласени за виновни и казнети, поради непочитување на Одлуката за изменување на одлуката за забрана и посебен режим на движење на територијата на РСМ донесена од Владата на РСМ на седница одржана на ден 23-ти март  годинава, објавена во Службен весник бр.74, која одлука донесена заради спречување и сузбивање на опасната болест корона вирус COVID -19. Со истата  одлука се забранува движење на населението на територијата на РСМ во временскиот период од 21 часот до 5 часот наредниот ден.

Претходно велешката полиција објави дека кривичните пријави се поднесени против лицата:   Т.Н.(20 год) од Велес кој  25-ти март по полноќ  во 00.25 часот, бил уапсен  кај касарната на ул.„Благој Ѓорев“ во Велес,  Н.А.(39 год) од Велес, кој бил уапсен на 25-ти март  10 минути по полноќ , во близина на угостителски објект на ул. „8 Септември“, и две лица од село Уланци, општина Градско О.М.(22) и И.М.(25), , бидејќи биле уапсени на  27-ми  во 40 минути по полноќ , во близина на винаријата  Стоби во Градско.