Петар Печков

Објавено: сабота, 02 јули 2011 1820 411

Со денешната венчавка на мотелот ,,Романтик,, се официјализираше можноста младенците да  се регистрираат на место каде тие сакаат и во термин што им одговара. Ова се  новитетите и промените согласно Законот з а брак, кои стапија на снага од први јули. Тоа овозможува младенците да си одберат место на кое ќе се венчаат.

Ценовникот за ова задоволство е 3,3 илјади денари до далечина од 10 км и 6,6 илјади денари до 20 км. Овие суми се дуплираат ако младите решат да стапат во брак во ден кога е државен празник или недела,  и ќе платат  6,6 илјади  до 10 км и 13,2 илјади денари до 20 км.

Организаторот на венчавката има и дополнителна обврска да обезбеди превоз за матичарот и советникот кои ја извршуваат церемонијата. Тие треба да бидат донесени до местото и вратени назад.

Сите пари кои се собираат од оваа давачка се за државниот Буџет, за двете службени лица нема ниту денар.

Следната венчавка која ќе се случи подалеку до матичното, Ликовниот салон, е договорена за дваесетина дена а мeстото е бродот Панини.