Петар Печков

Објавено: сабота, 21 ноември 2020 319 157

Вечерва, сабота, велешкиот Народен театар „Јордан Хаџи Константинов  Џинот“,   во 19 часот, ќе ја изведе монодрамата „Исмена“ од Катерина Момева, во режија на Елеонора Теова. 

Монодрамата е во   изведба на  актерката Моника Ставревска, музиката во живо ја исполнува  Сашко Костов. Дизајнот на плакатот и промотивниот материјал се на Филип Коруновски.   Праизведбата  на монодрамата се игра на сцената „Петре Прличко“.  

Авторите кажаа  дека во претставата се зборува за прашањата за потеклото и немоќта да се избега од сопствениот корен, за потребата да се одговорат егзистенцијални прашања преку соочување со минатото и непознатото во него, кое има лик на стапица за заробување на душата.

Ова е трета годинешна премиера во велешки театар,  првата беше во јануари на „Сестрите Прозорови“ па во февруари претставата „Сара“.