Петар Печков

Објавено: среда, 19 април 2023 3747 46

Откако пред десетина дена полицајата и Државниот инспекторат    за труд на градилиште во Велес пронајдоа шест странски државјани без работна дозвола, ТрМр праша до МВР, колку работници се пријавени со престој во општината со работна дозвола.  

„На територија која ја покрива инспекторатот по странци и реадмисија во Велес, престојуваат 32 странски државјани со работни дозволи. По основ на вработување вкупно 21 странец . Од Турција 15, од Франција 1, од Германија 3, од Индија 1 и од Англија 1. По основ на упатени работници 12  сите од Б и Х“ -соопштија од МВР. Податоците се за средината на месец април, 2023 година.

Ангажираните странци работници во најголем број работат во градежништво и во фабрика за производство  на градежен материјал.

Странските државјани,  тројца од Турција, двајца од Албанија и еден од Косово, кои неодамна беа откриени дека работат нелегално во Велес,  биле изведени пред судија за прекршоци, кој на пет лица им изрекол парични глоби и по една година протерување и забрана за влез во државата, додека на еден турски државјанин парична глоба и две години забрана за влез затоа што веќе имал активна забрана за влез.