Петар Печков

Објавено: среда, 21 јули 2021 351 101

Со посетата на трите села од регионот на Азот, Бистрица, Нежилово и Ореше, заврши вакцинацијата за заштита од ковид-19 со прва доза во Општина Чашка.

Денес екипа на Здравен дом Велес, пуштила 32 вакцини, во  Нежилово 16, во  Бистрица 12 и Ореше 4. Вкупниот број на вакцини аплицирани во 24 населени места за осум дене се вкупно 508.

Од утре се продолжува со теренска вакцинација во Општина Градско. Први ќе бидат посетени селата  Кочилари, Ногеавци, Водоварати и Виничани.  

Денес  екипата на Здравен дом Свети Николе го посети селото Ѓуземелци, каде требаше да се продолжи со теренската вакцинација за Општина Лозово, но таму ниту еден граѓанин не дошол да се вакцинира. 

За утре е предвидено да  се вакцинираат жителите на село Милино.  Во населба Лозово, пред десетина  дена се вакцинираа 42 лица.