Петар Печков

Објавено: четврток, 13 февруари 2014 791 303

 Во  ООУ ,,ЈХК Џинот“ Велес, во склоп на одбележувањето на Патрониот празник на училиштето, се изведе психолошка работилница форум драма на тема ,,Животот е убав - сакам да го живеам!“   Таа е во организација на Клубот за превенција од зависности, во координација на училишниот психолог Мимоза Давчева.

Активни учесници во Форум драмата беа група ученици од училиштето организатор, како и гости ученици од ООУ ,,Благој Кирков.“ Свое интерактивно учество земаа и родителите и наставниот кадар. 

Форум драмата  е мала кратка изведба на психолошка драма која доловува еден актуелен социјален проблем – пороците, кој е во фокусот на иницираната дискусија, истакнувајќи ги одредени човечки дилеми. Таа е инструмент за здружена потрага по решенија во тешки животни ситуации. Оваа форум драма беше насочена за развој на личноста на учениците во духот на толеранција и разбирање. До родителите беа упатени пораки и смерници како да ги заштитат своите деца од употреба на дрога, алкохол, пушење и други актуелни пороци  – вели координаторот психолог Мимоза Давчева. 

Присутните родители добиле флаери на кои се презентирани можни причини за да еден млад човек да започне да експериментира и да влезе во светот на пороците, како и последиците од тоа.