Петар Печков
Објавено: среда, 25 октомври 2023
Отворен е општинскиот центар за лица со попреченост ,,СРЕЌА" во населба Чашка. Тој ќе ги прими лицата со посебни потреби од општината а засега брои 12 заинтересирани, кои тука ќе минуваат дел од нивното слободно време.
Инвестиција за изградба и опремување на просториите е вредна околу пет милиони денари од кои 4.275.256 денари од буџетот на Министерството за труд и социјална политика и 700 илјади денари од буџетот на општина Чашка.
Центарот го отворија Министерката за труд и социјална политика Јована Тренчевска, пратеникот од Горно Јаболчиште Мухамед Кадриов и Градоначалникот на општина Чашка Горан Стојановски.
„Отворањето на еден ваков Центар произлегува од потребите на жителите на општината. Лицата со попреченост остануваат наш приорите во“ - кажа министерката Треневска.
„На територијата на Општина Чашка има 40 лица со попреченост. Се надевам дека овие за почеток 12 лица ќе се зголеми со опфат“ - кажа градоначалникот Стојановски.
Во центарот услуги засега добиваат 12 корисници од општината и вработува шест лица.
Министерката Тренчевска ја посети и детската градинка ,Бамби" која ја посетуваат 35 деца.
фото ФБ/Горан Стојановски градоначалник Чашка
| Tweet |
