Петар Печков

Објавено: среда, 07 јули 2021 818 114

 
Во пунктот за масовна вакцинација во Велес,  се вакцинираат повеќе категории на лица, за заштита од ковид-19. Сите тие примаат кинеска „Синовак“.

„Почнавме вакцинација на просветните работници од средно и основно образование. Во тек е вакцинација на лица кои работат во текстилни конфекции, во фабрики каде има повеќе вработени  во погони. Оваа недела е голем опфатот на лица кои примаат вакцина. Вчера и денес се вакцинираа лица од Гевгелија, Неготино, Дамир Капија, Валандово и Богданци, со втора доза „Синофрам“ - кажа д-р Марина Тодоровска, координатор на вакциналниот пункт кој се наоѓа во спортската сала на средното училиште „Коле Неделковски“.

Истовремено во зградата на Здравствен дома, продолжува вакцинирањето  втора доза на лицата над 70 годишна возраст, кои примаат „АстраЗенека“. Тие ќе се вакцинираат до 13 јули.    

Од Општина Велес ги повикаа граѓаните од утре, 8-ми јули да се вакцинираат во пункот за масовна вакцинација, без пријава и без закажан термин.