Петар Печков

Објавено: вторник, 06 септември 2011 917 393

По повод 20 години од осамостојувањето на Република Македонија,  среда вечер, во 20:30 часот на летната сцена на амфитеатарот во Младинскиот парк ќе се одржи традиционалната  музичка вечер „Велешки легенди“, со учество на 15-тина велешки исполнители и бендови, актуелни некогаш и сега.

Централната програма по повод празникот ќе се одржи на 8-ми Септември 2011 година, во 9:30 часот под наслов „Во слава на родината“ , на платото пред Спомен Костурницата. Со перформанс од актерите Слободанка Чичевска и  Васил Зафирчев, пијанистот Илија Настов, а во програмата ќе учестуваат и црковниот хор Св. Пантелејмон и децата од градинките.

Превозот за овој настан е обезбеден со автобус, кој ќе тргнува од 9 часот пред Трговски во Нова Населба и потоа од пред НА-МА. Од општината потсетуваат дека во содржините за овој јубилеј, биле и одбојкаскиот турнир и тенискиот турнир, кои се одржаа изминатиот викенд.