Петар Печков

Објавено: вторник, 07 февруари 2023 243 36

Според податоците на О2 иницијативата во јануари годинава воздухот во Велес 24 дена бил загаден повеќе од максимално дозволените вредности, со  ПМ 2,5 честички. Тие се сметаат како мошне опасни по здравјето на човекот  а само седум дена бил под дозволените вредности и тоа на почетокот на месецот. 

О2 иницијативата нивната статистика ја поврзуваат со податоците добиени од мерните инструменти на Министерството за животна средина, од автоматската станица Велес 2.  

Или во просек воздухот имал вредности од 42,69 мг/м3 со ПМ 2,5 честички.  Велес во однос на загаденост е заедно во врвот,  со градовите  Гевгелија, Гостивар, Струмица, Прилеп, Берово, Тетово, Кичево.

Од податоците може да се заклучи дека на почетокот на месец јануари немало високи вредности, но од ден во ден тие раснат,за да на крајот од првиот месец годинава 22-29 достигнат до степен „лошо“ и  на 30 и 31 јануари „многу лоши“  вредности.