Петар Печков

Објавено: понеделник, 16 јануари 2023 1053 37

СВР Велес информираше за инцидент кој се случил неделата вечер, кога возач на камион урнал бандера близу Долно Караслари, па дел од селото и автопатот останале без струја

„На ден 14 јануари, сабота, околу 18 часот на влез во село Долно Каласлари-Велес, се случила сообракајна незгода во која НН лице управувајки ТМВ со прикачено приклучно возило непозната марка и рег.број, удрило во електричен столб (дрвена бандера) раставувач за Трафостаница Ајдар, сопственост на ЕВН, при што дошло до спој во трафостаницата поради што без електрична енергија останале неколку околни куќи, како и клучката на делницата од автопатот  село Долно Каласлари. По незгодата возачот го напуштил лице местото“ – соопшти Ристе Самарџиев, портпарол на СВР Велес.

Од незгодата е причинета материјална штета која дополнително ќе биде утврдена. Полицијата презема   мерки за расчистување на случајот.