Петар Печков

Објавено: четврток, 25 ноември 2021 1375 128

Патничките возови од и за Битола не сообраќаат. Причина е штрајкот на вработените од Работилницата на МЖ Транспорт, од Синдикатот на влеча на возови, каде се проверуваат дизел локомотивите пред да тргнат да возат.

Вработените бараат исплата на плата за месец октомври, откако во понеделникот била исплатена првата половника. Ваква е состојбата од вторникот навечер.

Денес, четврток е втор ден како не сообраќаат патничките возови од и за Битола. За разлика од нив возовите од и за Гевгелија, кои ги влече локомотива на електричен погон сообраќаат.

Сообраќаат и возовите на релацијата Скопје -Велес и обратно.   Патничките возови за Кочани И Кичево, кои исто така се со моторни дизел локомотиви, не сообраќаат половина година.

Патниците од Велес кои патуваат за Битола се изненадени и разочарани, оти никој не им кажал или најавил дека возовите во овој правец не сообраќаат.