Петар Печков

Објавено: петок, 30 октомври 2015 727 308

Стотина велешани ги добиле парите кои тие ги бараа од Македонски железници - Транспорт. Тие се за месечните билети, кои велешките корисници  не ги искористија во септември,оти две седмици машиновозачите штрајкуваа.   

Сите патници – корисници на месечните претплатнички билети, кои уредно ги доставија барањата за повраток на пари до МЖ Транспорт АД - Скопје, им се вратени парите за деновите на штрајкот. Останаа нерешени неколку барања кои се нецелосни - изјавија од МЖ Транспорт.

 На овие баратели за повраток на пари им било укажано да ја комплетираат потребната документација за да може да им бидат вратени парите, без оглед што минал еден месец. Но од ЈПМЖ -Транспорт укажуваат на лоша пракса на дел од корисниците. Тие купувале билет кој е поевтин и важи  за две седмици,  а со него се возеле цел месец. Или како што објаснуваат две седмици се возеле на црно.

Петстотини велешани се корисници на месечен возен билет на релацијата Велес- Скопје- Велес и нивниот билет чини 2,4 илјади денари.