Петар Печков

Објавено: понеделник, 20 мај 2013 1169 300

Во времето по Велигден и 40-дневните пости кога бракови не се склопуваа,  вообичаено има поголем број на склучени брачни  заедници. Тоа може да се почувствува изминатите два викенди, кога   петок, сабота и недела Велес ечеше од звуците на сватовите.  По градските улици колони накитени возила, среќни млади. Бројките на Управата за водење на матичните книги за Велес покажуваат дека од 5-ти мај Велигден до  20-ти мај имало 20 склучени брака.

Оваа бројка е нормален просек за Велес , но и за други матични подрачја, кои во зависност од бројот на жителите може да биде помал или поголем, во периодот мај- јуни, кога и интересот за склучување на брак е најголем – изјавија од Управата. Така во овој период раце тријат угостителите но и продавниците каде се нудат пригодни свадбени подароци.  Оваа седмица гужвите ќе бидат засилени, доаѓаат матурските прослави.