Петар Печков

Објавено: петок, 26 октомври 2012 1080 374

Педесетината  лица кои беа времено ангажирани во ЈКП Дервен јавно се пожалија што не го добиваат надоместокот кој им беше ветен. На средбата со претставниците на Владата тие јавно проговорија и прашаа каде се нивните пари.

Иако сме на работа од средината на август досега добивме само еден надоместок. И тој понизок од најавените  и ветени седум илјади денари. Ниту сме вакцинирани, иако работиме каде можеме да бидеме заразени или да се разболиме. По нашите реакции за платата ни рекоа дека грешка. Како не згрешија да дадат повеќе а дадоа помалку. Зошто ова се случува  – праша еден од овие лица времено ангажирани во ЈКП Дервен.

Овој проблем изворно го слушна и премиерот ,кој веднаш откако дозна дека станува збор за локално комунално претпријатие го прозива градоначалникот на Велес. Неговиот одговор беше краток и јасен.

Даваме пари колку што добиваме од Владата – рече Петров. По оваa збунувачка ситуација во салата, премиерот одговор побара од кај министерот за труд и социјала. Спиро Ристовски без конкретен одговор. Па падна договор градоначалникот и министерот да најдат начин парите на овие лица да бидат обезбедени и исплатени во целост.