Петар Печков
Објавено: среда, 10 јуни 2020
Во текот на вчерашниот ден има еден ново заразен со ковид-19, лице од Горно Јаболчиште. Тој претходно бил со симптоми , хоспитализиран во Инфективно одделение од велешка Болница, каде му е земен брис а подоцна резултатот покажал дека е позитивен, информираа од Центарот за јавно здравје Велес.
Ова е втор случај на лице од Горно Јаболчиште кое има корона вирус. Минатата седмица имаше уште еден жител на населбата, кој бил асимптоматски, но поради потреба да патува за Италија, сам се тестирал во приватна клиника во Скопје , каде резултатите покажале дека е позитивен. Тој е во домашен карантин. Во Велес има четворица оздравени, кои денес се пуштени од Инфективното одделение од велешка Болница а биле последователно на два теста негативни.
На ова одделение сега има 11 пациенти, 10 од нив се потврдено позитивни, за еден се чека резултат, тројца се во ГОБ 8-ми септември Скопје, еден повратник од Англија е во државен карантин во хотел во Скопје и 13 лица се во домашен карантин.
| Tweet |
