Петар Печков

Објавено: четврток, 25 јуни 2015 1510 261

 Учесниците од Вардарската регата  пронајдоа тело  во реката Вардар. Како и  лани така и годинава,  кајакарите во реката пронашле тело кое било во лоша состојба. Веднаш ја информирале полиција, чии екипи се на  терен за  да го извадат на суво.

На тргнување неколку момчиња ни пријдоа  и побараа од нас да внимаваме дали ќе најдеме некое тело, оти нивната мајка неколку дена се водела за исчезната.  Веднаш по мостот на Бетон, кај Караслари, во густ и лош терен младити кајакари сигнализраа дека видоа леш. Мислиме дека е на жена и случајот ги пријавивме во велешката полиција - објаснуваат учесниците  на Регатата.

Од СВР Велес го потврдија настанот, со дополна дека телото засега не можат да кажат дали е на маж или жена, но идентификацијата и обдукцијата која е по наредба на јавен обвинител,  треба да покажат за кого станува збор. Последните два месеци во велешко како исчезнати се водат две жени.

Лани исто  така  првиот ден од пловењето, членовите на регатата пронајдоа леш во близина на населбата  Градско.