Петар Печков

Објавено: петок, 15 октомври 2010 821 367

Деветнаесет земјоделци аплицирале за кредит од ИПАРД програмата во Агенцијата за поттикнување на развојот на земјоделството во Велес.

Според раководителот на Агенцијата, Тони Тасков, интересот за аплицирање е голем. Од пријавените, тој информира дека најголем дел побарале финансиска помош за инвестиции во системот капка по капка.

Покрај апликанти од Велес имало и од Градско, Виничани, Чашка, Чичево, Иванковци и Горно Оризари.

Тасков појасни дека земјоделците прво треба да инвестираат сопствени средства, а доколку добијат кредит од ИПАРД, неповратно ќе добијат половина од вложените пари.

Заинтересираните земјоделци треба да ги достават потребните документи до Агенцијата за земјоделство, а рокот за аплицирање е до 29 ноември