Петар Печков
Објавено: петок, 06 ноември 2020
Градоначалникот Коцевски на денешната прес конференција ја кажа загриженоста која владее меѓу велешани поради „пребукираноста на термини“ за земање на брис, но и за ригидноста на законската регулатива околу здравствениот статус на лицата кои се излекувани од коронавирусот.
Долг е периодот, кога одредени лица кои се сомнителни, мора да чекаат да бидат тестирани. Има лица кои имаат два последователни негативни теста за присуство на ковид-19, но се водат како позитивни, поради тоа што требало да мине одреден пропишан временски период за официјално да бидат заведени како негативни. Тоа е поради бавното бирократско реагирање на статусот во „мој термин“. Повеќе денови остануваат како позитивни, иако во пракса се негативни, што негативно се одразува на стопанскиот живот во градот - рече Коцевски.
| Tweet |
