Петар Печков

Објавено: петок, 29 ноември 2019 467 213

Денес  во општина Градско се одржа свечено потпишување на грант договор, за набавка на повеќе наменско  возило за потребите на локалното, Јавно комунално претпријатие ,,Клепа,,.  Договорот  вреден 40 илјади евра,  беше потпишан помеѓу амбасадорката на Јапонија Кеико Ханеда и градоначалникот Роберт Бешовски.

Преку овој грант се очекува да се подобрат услугите на јавното комунално претпријатие како и да се обезбедат подобри услови за живеење за граѓаните од општина Градско. Досегашната рачна работа ќе се механизира. Тоа ќе резултира со ефикасност и заштеда на финансии - порача градоначалникот Бешовски. 

Со ова ќе се набави возило, со кои ќе се интервенира на канализација, на водовод, за чистење одводни канали, транспортот на отпад, чистење  на диви депонии, чистење на снег.  

Амбасадорката Ханеда кажа дека оваа година се слават 25 години од воспоставувањето на дипломатските односи меѓу двете земји.

Среќни сме оти со нашиот проект ќе им помогне на граѓаните да го подигнат квалитетот на секојдневниот живот. Денес го славиме пријателството помеѓу двете земји. Археолошкиот локалитет и винаријата во Општина Градско, привлекуваат Јапонски туристи  -рече Ханеда. 

Амбасадорката Ханеда ја посети Железничката станица во Градско.