Петар Печков

Објавено: сабота, 27 јули 2013 930 298

Од четвртокот попладне сигурносните рампи на железничките премини во Велес не функционираат, не се спуштаат. Поради ова возовите низ градот  возат  со минимална брзина и пред секој  од премините запираат и со звучен сигнал најавуваат дека  доаѓа воз. 

Според ЈП МЖ причината за неработењето на безбедносните рампи е големиот пожар кој во четвртокот   пламна во близината на Железничката станица Згрополци. При ова изгорела инсталацијата и каблите, кои сега се менуваат. Кога ќе завршела оваа промена, ќе се нормализирал и сообраќајот во градот, информираа од МЖ. 

Поради ваквиот сообраќаен режим, кога се вози со мала брзина и често мора да се застане  пред секој премин, вчера попладне товарна композиција  застанала и не можела да тргне, поради што се додека не дошла нова локомотива,  железничкиот и патниот сообраќај во центарот на градот беше во прекин еден час.