Петар Печков

Објавено: понеделник, 25 февруари 2019 1398 206

Две интервенции во текот на вчерашниот ден имаа пожарникарите од велешката ТППЕ. Во неделата наутро во село Бањица изгорела куќа, во која живеела старица. 

Огнот се појавил околу  5.30 ч. на кровната конструкција во село Бањица кој потоа се проширил на целата куќа. Во гаснењето учестуваа пет пожарникари со едно возило. Огнот е локализиран во 9,15 ч. - рече Љупчо Лепидовски командир на ТППЕ.  

Неделата вечера се јавил оган на куќа на улица академик Пенчо Давчев во Речани, близу крстосницата кај Башино село. 

Огнот се појавил на поткровјето и кровната конструкција. Во гаснењето учествуваа 10 пожарникари со две возила. Огнот избувнал во 18,45ч. а е локализиран во 21,45 ч. Оштетена е дел од покуќнината - рече Лепидовски.  

Од СВР Велес информација дека е извршен увид при пожарот на куќа во село Бањица и истрагата ќе ги откриела причините. Додека за куќата во Речани, не бил извршен увид, бидејќи според полицијата познато е дека огнот настанал од  запален оџак во објектот.