Петар Печков

Објавено: вторник, 16 јули 2013 893 288

Министерството за внатрешни работи кривична пријава против лицата С.Ј. (39) и Ѓ.Д.(47), двајцата од Велес поради основано сомнение за сторено кривично дело „ криумчарење на мигранти“.

Двајцата велешани  на 12 јули  се обиделе илегално да превезат шест лица државјани на Бангладеш.  Во 22,50 часот на автопатот Гевгелија - Скопје, поточно по стариот пат Демир Капија –Скопје, при контрола на автомобил  "Шкода Фабиа“  со велешки регистарски ознаки, управувано од Ѓ.Д., откриени се шест државјани на Бангладеш со илегален влез и престој во Македонија. Тие според нивното кажување имале намера илегално да се превезат до Скопје-Куманово, а понатаму преку Србија, Унгарија да стигнат до западно европските земји.

Пријавениот С.Ј. кој се превезувал во ПМВ "Форд Фиеста“ имал улога на организатор и со неговото возило го чистел теренот за превезување на илегалните мигранти. Лицата се изведени пред истражен судија кој им одреди притвор во траење од 30 дена.