Петар Печков

Објавено: недела, 08 август 2021 1399 113

Двајца крадци фатени на ден пладне како крадат од велешка фабрика. Полицајците ги уапсиле на дело.

„На 7-ми август во 14.40 часот, полициски службеници од СВР Велес ги лишиле од слобода М.З.(30) и Е.Х.(21), двајцата од Велес. Тие биле затекнати при извршување тешка кражба во фабрика во Велес, односно во моментот кога се обиделе да ги стават украдените предмети во возило и да заминат“- соопштија од МВР.

Украдените предмети им биле одземени, а сторителите  биле приведени во полициска станица. По целосно документирање на случајот против нив ќе биде поднесена соодветна пријава.