Петар Печков

Објавено: недела, 12 октомври 2014 701 297

Во петокот попладне бегалци од Сирија ограбени во село Згрополци,  од засега непознати лица. 

Според СВР  нивна патрола која била  во патничкиот воз бр.630 кој сообраќал на релација Гевгелија- Скопје,  по тргнување на возот од железничка станица Згрополци кон  железничка станица Велес, пронајдени се две лица сириски државјани A.A.(1981) и A.M.Б.(1987).

Тие се пожалиле дека истиот ден во 6 часот  во село Згрополци  биле нападнати  од страна на 4 лица облечени во цивилна облека. Тие   биле со возило  засега непозната марка, и  им била извршена кражба. Непознатите  лица ги сопреле илегалците и истите се претставиле како полициски службеници, при што им извршиле пребарување по облеката и им одзеле 2000 евра.

По извршената кражба истите биле упатени на железничката станица Згрополци за да се качат во воз бр.630 кој наводно сообраќал кон Србија. Сириските државјани се пренесени во прифатниот центар.Полицијата трага по сторителите.