Петар Печков
Објавено: сабота, 25 јули 2026
Најсилни, за потреба од донор, се пораките упатени од пациентите и нивните семејства. Само 2 до 5 отсто од органите на лицата кои потпишале за донори, можат да се искористат и тоа исклучиво по мозочна смрт, беше кажано на вчерашната трибина за органодарителство која се одржа во Велес.
Пред присутните се обрати и мајката на 23 годишниот Бојан Савов од Велес, кој живее на батерии и струја, бидејќи срцето му работи со намален обем, и очекува повик за спас за трансплатација.
„Тој е млад а не може да си дозволи живот како другите. Не може да оди на бањање во вода, некои работи во животот му се скратени, но се прилагодува. Чекаме срце и додека се молам за моето дете да има подобрување, се молам за сите деца. Некому е потребно срце, на друг бубрег, на трет црн дроб. Затоа апелирам до нашите сограѓани, како велешанка, да донираме, да спасиме живот“ – рече Соња Савова.
фотографијата е објавена со дозвола од Бојан Савов
| Tweet |
