Петар Печков

Објавено: понеделник, 02 март 2020 2699 175

Живко Христов  помина повеќе од две илјади километри воздушна линија, од Хелсинки до Велес, за да дојде во родниот град   на Чист понеделник. Ниту  патувањето и  корона вирусот, ниту сезонскиот грип , не беа закана за  овој велешанец да мине неколку часа со старите пријатели, на местото од неговата младост. 

Пред три години бев домаќин на манифестацијата и годинава почувствував силна желба пак да дојдам, и дојдов.  Носталгијата, пријателите од младоста, беа посилни од се од сите закани од разни болести. Потоа родниот град - Велес, моето маало - Мегдан, татковината, се да видам во овие неколку дена - вели Живко. 

Тој во Хелсинки живее 32 години, со неговото семејство. Но многу му недостигаат пријателите од младост и вели  дома е дома.   Секој прв понеделник после Прочка, во месноста Мегдан, во Велес, близу црквата Св. Пантелејмон, локалните жители организираат Чист понеделник.

Се подготвува за ручек бел грав, без запршка и се дели на гостите, кои доаѓаат од  различни делови на градот. Но има и мештани кои живеат во Скопје и специјално за оваа пригода доаѓаат на Мегдан, на бел грав, на дружба и муабет