Петар Печков

Објавено: понеделник, 02 февруари 2026 175 6

Драстично опаѓа бројот на склопени бракови во велешко, во 2025 година имало 303 наспроти 372 во 2024 година. Тоа е намалување за 69 брака во однос на  година дена претходно или за 20 отсто. За потсетување во 2023 година имало склопено 423 брака, во 2022 - 383. Првиот склопен брак годинава беше на 8 јануари. Ова се податоци од Управата за водење на матична евиденција, заедно со одделението во Градско. 

Од Управата за водење матична евиденција,  потсетуваат дека бројката од   склопени бракови годинава, не е целосна и точна  за  Велес. Младите имаат можност, а тоа и го користат, да склопат брак во друг град, во некој туристички центар, Охрид, Струга, Крушево, што во пракса и се случува. И тогаш тој брак се води дека е склопен во тој град, иако младите се велешани со адреса на живеење во Велес. 

Во бројката на склопени бракови, се и жители од  други градови, кој стапуваат во брак во винариите или угостителските објекти во велешко.

фото интернет