Петар Печков

Објавено: четврток, 13 февруари 2014 2173 292

 По бранот на вработувања на многумина велешани во германски Дрекселмаер, лоцирана во близина на Кавадарци, прашањето беше кое е платата која тие ја добиваат. Се зборуваше дека е минимална но не беше и прецизирана.

Со огласите кои деновиве беа објавени , а каде мора да стои и платата и работното време, јасно е дека таа е навистина минимална, 8.100 денари. Освен ако не сте шофер, тогаш добивата 10 илјади. Згора на ова вработените од Велес добиваат  бесплатен превоз како и еден оброк додека се на работно место, за кое се бара распознавање на бои и вешти раце и прсти. 

Ваквите минимални плати се зачудувачки оти странските инвеститори и покрај субвенциите и поволностите што ги добиваат во земјава на работниците им исплаќаат ниски плати.

Но и покрај таквите минимални плати, велешани во голем број навалуваат на конкурсите и  тестовите  за прием за работа во Дрекселмаер.