Петар Печков

Објавено: петок, 07 септември 2018 448 219

Македонија избира иднина а ЕУ ја поддржува Македонија рече на прес конференцијата Весна Стојанова Богоевска   портпарол ОО СДСМ Велес. Таа потенцира дека од овие вложување подобар живот ќе имаат сите граѓани а пред се идните поколенија.   

Ќе се зголемат фондовите кои ЕУ ги вложува во нашата инфраструктура. Ќе се градат нови патишта, мостови, водоводи, канализации, училишта и градинки.  Ќе се зголемат фондовите за земјоделците. Повеќе европски средства за субвенции, за механизација, за повисок приход, подобар производ и за пласман со подобри цени - рече Богоевска. 

Таа ги посочи бројките кои Македонија ги добива како средства од ЕУ.  Вкупната годишна EУ помош за Македонија изнесувала  90 милиони евра односно 260.000 евра дневно.  15.5 милиони евра годишно Македонија добила преку ЕУ програмата за транспорт - средства со кои се градат патишта, мостови, железници, тунели и друга инфраструктура. 8.5 милиони евра европски пари за заштита на границите на Македонија во 2018 година. 15 милиони евра европски пари за земјоделството во Македонија за 2019 година. 18 милиони евра во 2020 година за реформи во правосудството и во полицијата во Македонија.