Петар Печков

Објавено: среда, 06 мај 2026 95 6

Полициски службеници од Отсекот за превенција при СВР Велес на градскиот пазар во Велес, спроведоа превентивна активност под мотото „Внимавај, телефонски измами“.  На други делови од градот реализирана е превентивна активност на тема „И јас и ти сме пешаци“.

„Целта  беше да се информираат и едуцираат граѓаните како да ги препознаат измамите и да не дозволат да бидат жртви. Преку непосредни средби, на граѓаните им беше укажано да не отвораат сомнителни пораки со содржина за наводни сообраќајни прекршоци регистрирани од системот „Безбеден град“ и со упатства преку кои жртвите се наведуваат да ги остават своите лични податоци и банкарски сметки. Во втората активност  главен акцент беше ставен на пешаците, посочувајќи им дека тие, како активни учесници во сообраќајот исто така имаат обврска да ги почитуваат сообраќајните правила и прописи“ – соопштија од МВР.

Во рамки на двете  превентивните активности бил  поделен печатен едукативен материјал.

фото МВР