Петар Печков

Објавено: вторник, 10 август 2021 3255 146

Со помош на канцеларијата на ЕУ во Скопје, езеро Младост доби можност да биде транзитен туристички центар. Проектот  е  вреден еден милион евра, од кои 900 илјади се средства од ЕУ а сто илјади од Општина Велес. При крај е   неговата реализација, градежните работи се најавува дека ќе завршат на крајот од месецов.

Проектот „Паметно езеро Младост“ опфаќа десетина содржини и  треба да овозможи туристите кои се на пропатување по автопат од и  кон Грција,  да имаат понуда за да останат покрај езерото, но и да се создадат нови работни места.

„Ќе се запрашете зошто ЕУ дава поддршка на вакви проекти. Одговорот е едноставен. Убедени сме дека од туристичката понуда на земјата од природните убавини и културното наследство. Со помош на туризмот е креираат нови работни места, се помага на локалната економија.   Овој туризам е познат како зелен туризам“ - рече Дејвид Грин амбасадор на ЕУ во Скопје.  

Проектот опфаќа  меѓу другото изградба на еко-камп, забавен парк за деца,  куќи во форма на барик за преноќевање,  пешачка и велосипедска патека, осветлување на патеките, еко- училници за настава на отворено,  регионално туристичко биро,  станица со 20 електрични велосипеди, платформа за набљудување на птици и хранилиште.

„Со овој проект ЕУ му даде голема можност и шанса Велес да прерасне во транзитна туристичка дестинација, ен само во земјата туку и во регионот.  Ова е можност да се искористи потенцијалот на езерото, покрај кое секоја година минуваат два милиони туристи“ - кажа градоначалникот на Велес Аце Коцевски.   

Проектот започна да се реализира пролетта 2020-та а треба да заврши кон крајот на овој месец, август.