Петар Печков

Објавено: вторник, 19 октомври 2010 1168 328

На железниот мост на реката Вардар во Велес  завршија металско-градежните и бетонски работи околу изградбата на новата пешачка патека. Така неколку илјади жители кои го користат мостот, како најкраток пат за доаѓање или заминување од едниот во другиот дел од градот, ќе можат спокојно да минат преку него.

Новата патека која е во должина од скоро 245 метри и широка 1.95 метри е коловозна армирана бетонска плоча со подлога од профириран челик, поставена на челична конструкција. Долж целата патека има метална ограда и канделабри.

Во нејзино продолжение беше бетонирана патека во должина од 80 метри за пешаците кои ја користат, непречено да се движат. Целокупната инвестиција е вредна 6 милиони денари.