Петар Печков

Објавено: понеделник, 25 септември 2023 1559 44

Пожарот кој во саботата зафати површини во прилепските села, беше причина да дојде до застој на железничкиот сообраќај на релацијата Велес - Битола и обратно.  Пожарот во околината на село Браилово, каде мине пругата , оштетил дел од железничката инсталација.

„Сообраќајот на кон Битола е во прекин поради пожарот којшто избувна и уништи околу илјада железнички прагови на повеќе локации. Стручните служби на ЖРСМ Инфраструктура работат интензивно на терен за отстранување на дефектот и оспособување на сообраќајот. Поради овие причини сообраќајот на релацијата Скопје- Битола- Скопје ќе биде во прекин од денеска па сè до оспособување на пругата за одвивање на безбеден сообраќај“ - соопштија од ЈП  МЖ Инфраструктура.

Првата реакција за овој застој стигна од жителите на регионот  Азот, кои немаат автобуски превоз и единствена врска кон Велес,каде дел од нив работа беше железничкиот сообраќај.

„Македонски железници можеше да  пушти патничките возови да сообраќаат барем до Богомила, колку луѓе патуваат до Велес,сега ќе мора да се возат со автомобили, што е многу поскапо“ - вела жителите.

Во Македонија моментално единствена функционална пруга по која се одвива патничкиот  железнички сообраќај е од Скопје до Гевгелија и обратно. Патнички возови одамна нема кон Куманово и Табановце, кон Кочани и кон Кичево.