Петар Печков

Објавено: вторник, 02 јануари 2018 3831 275

Освен тешката сообраќајка, која се случи утрото по пречекот на Новата година, во градот имало два посериозни настани, кои се евидентирани од надлежните служби.  Првата е тепачка која се случила во населба Превалец, на 1-ви во 3,30 ч.

Во објект на Фудбалски клуб “Превалец“, бил нарушен јавниот ред и мир со тепачка помеѓу лицата: Ј.Ш (29) и Н.Ш (23) од една страна и А.Ш.(25), Д.Ш(21) и С.С(18) од друга страна, при што тие си размениле по неколку  удари со раце и нозе по телата. Откако Ј.Ш и НШ биле истуркани надвор од објектот, со дрво и даска во рацете се вратиле во објектот и почнале да удираат по сите присутни, нанесувајќи им  видливи повреди - пишува во информацијата на МВР. 

Други сериозни  нарушувања на јавниот ред и мир во текот на  вчерашниот ден велешката полиција не регистрирала. Во Општата Болница Велес, вчера утро е донесен пијан сограѓанин, кој бил без  свест. И покрај напорите со пружање на  лекарска помош  да биде освестен, не се случило па е препратен  на  Клиниките во Скопје.  Докторите се сомневаат дека причина е  лошиот квалитет на ракијата што ја пиел. 

Вообичаено во и по новогодишната  ноќ  е зголем обемот на работа.  На интерното одделение донесени се две млади момчиња, во алкохолизрана  состојба. Дадена  им  е  потребната лекарска помош и се во добра здравствена состојба.  Во утринските часови на 1-ви јануари, донесено е возрасно лице на 58 години, без свест. Тоа  било во тешка алкохолизирана состојба и  како тежок случај препратено е во Скопје, откако не се пробудило. На инфективно и нервно одделение нема стигнато пациенти, кои имале здравствени проблеми поради пречекот на Новата година - изјави Марина Андова   главна сестра на ЈЗУ Општа Болница Велес.